Sport24.az
"Pumas" Uels millisinin yarımmüdafiəçisi Aaron Remzi ilə müqaviləyə xitam verib. Sport24.az xəbər verir ki, bu barədə "ESPN Mexico" məlumat yayıb.
34 yaşlı uelsli futbolçu iyul ayında Meksika klubuna azad agent kimi qoşulub. O vaxtdan bəri o, cəmi altı oyunda iştirak edib. Hazırda o, bud əzələsindən əməliyyatdan sonra bərpa dönəmi keçir.
Qeyd edək ki, "Pumas" Aperturanın bitməsinə iki tur qalmış turnir cədvəlində 13-cü yerdədir. Pley-offa vəsiqə qazanmaq üçün komanda ilk "10-luq"da yer almalıdır.
