Idman.biz
UEFA Çempionlar Liqasının 3-cü turunun "PSV Eyndhoven" – "Napoli" matçına yekun vurulub.
İdman.Biz-in məlumatına görə, PSV 6:2 hesablı inamlı qələbə qazanıb.
Qarşılaşma Eyndhovendəki "Filips" stadionunda baş tutub.
31-ci dəqiqədə Skott Maktominey hesabı açaraq qonaqları önə keçirib. 35-ci dəqiqədə "Napoli"nin oyunçusu Buoncorno avtoqola imza atıb. İsmael Saybari 44-cü dəqiqədə meydan sahiblərini hesabda önə çıxarıb.
İkinci hissənin əvvəlində Dennis Man fərqi artırıb. Man 80-ci dəqiqədə dubl edib. Altı dəqiqə sonra Maktominey dubl edərək italyanların hesabdakı fərqini azaldıb. Lakin son dəqiqələrdə Rikardo Pepi və Kouhaib Drioş hesabı 6:2-yə çatdırıblar.
Bu oyundan sonra "PSV Eyndhoven"in 4 xalı var, "Napoli" 3 xal toplayıb.
Növbəti turda "Eyndhoven" səfərdə "Olimpiakos"la qarşılaşacaq, "Napoli" isə Frankfurt "Ayntraxt"ını öz evində qəbul edəcək. Hər iki qarşılaşma noyabrın 4-də baş tutacaq.
