Sport24.az
PSJ klubu qapıçı Matvey Safonovun komandadan ayrılacağı ilə bağlı yayılan xəbərlərə aydınlıq gətirib. Sport24.az xəbər verir ki, bu barədə "L"Équipe" nəşri məlumat yayıb.
Paris təmsilçisi rusiyalı qolkiperin qış transfer pəncərəsində komandanı tərk etməsinə dair xəbərləri qətiyyətlə təkzib edib. Klub futbolçuyla beş illik müqavilə imzalandığını xatırladaraq onun PSJ üçün vacib oyunçulardan biri olduğunu açıqlayıb.
Xatırladaq ki, daha əvvəl Safonovun oyun vaxtının azlığından narazı olduğu və bu səbəbdən klubdan ayrılmaq istədiyi barədə məlumatlar yayılmışdı.
Qeyd edək ki, 2024-cü ilin yayında "Krasnodar"dan transfer olunan Matvey Safonov cari mövsümdə PSJ heyətində cəmi bir rəsmi oyuna çıxıb. O, Fransa Liqa 1-in 15-ci turunda "Renn"lə (5:0) görüşdə qapısını toxunulmaz saxlayıb.
