Sport24.az
PSJ-nin prezidenti Nasser Al-Xelaifi komandasının Çempionlar Liqasının yarımfinalında "Arsenal"a qalib gəlməsini (1:0 və 2:1) şərh edib. Sport24.az xəbər verir ki, o, klubun mətbuat xidmətinə açıqlama verib:
"Mən çox, çox fəxr edirəm. Bu gözəldir. Oyunçular, məşqçilər, heyət, azarkeşlər... Bu gün hamı bir yerdə PSJ-nin möhtəşəm tarixini yazdı. İkinci finalımız 2020-ci ildən fərqli olacaq (Çempionlar Liqasının finalında "Bavariya"ya məğlubiyyət).
Biz bu an üçün çox xoşbəxtik. Həlledici oyuna vəsiqə qazandığımıza görə fəxr edirik. Çempionlar Liqasında mövsümünün başlanğıcı çox çətin idi. Ancaq biz bacardıq və bu gün burdayıq".
Qeyd edək ki, Fransa klubu finalda "İnter"lə üz-üzə gələcək. Qarşılaşma mayın 31-də Münhendə baş tutacaq.
