Sport24.az
PSJ-nin Çempionlar Liqasının finalında qələbəsindən sonra Fransada iğtişaşlar zamanı iki nəfər ölüb. Sport24.az xəbər verir ki, bu barədə TF1 məlumat paylaşıb.
Qurbanlardan biri skuter sürən 20 yaşlı qızdır. Paris komandasının azarkeşləri paytaxtın cənub-qərbindəki küçələrdən birində onu maşınla vurublar. Fransanın cənub-qərbindəki Dax kommunasının fan zonasında naməlum şəxslər tərəfindən bir neçə bıçaq zərbəsi alan 17 yaşlı oğlan da ölüb.
İğtişaşlar zamanı 192 nəfər yaralanıb. Ölkə üzrə 417-si Parisdə olmaqla 426 nəfər həbs edilib.
Qeyd edək ki, PSJ Çempionlar Liqasının finalında "İnter"i 5:0 hesabı ilə məğlub edərək tarixində ilk dəfə turnirin qalibi olub.
