Sport24.az
Mövsümün ikinci yarısını icarə əsasında "Aston Villa"da keçirən PSJ-nin yarımmüdafiəçisi Marko Asensio Paris klubunun növbəti mövsüm üçün planlarında deyil. Sport24.az xəbər verir ki, bu barədə "Footmercato" məlumat yayıb.
Mənbənin sözlərinə görə, PSJ onu satışa transferə çıxarıb və 20 milyon avro qiymət qoyub. Ola bilər ki, "Aston Villa" 29 yaşlı ispaniyalını daimi əsasda heyətə cəlb etsin.
Qeyd edək ki, Asensio İngiltərə klubunun heyətində bütün turnirlərdə 21 oyun keçirib, 8 qol vurub və 1 məhsuldar ötürmə edib. 2024/25 mövsümündə PSJ-də isə yarımmüdafiəçi 16 oyun keçirib, 2 qol vurub və 4 məhsuldar ötürmə ilə yadda qalıb.
