Idman.biz
UEFA Çempionlar Liqasının 3-cü mərhələsinin "Bayer" – PSJ matçına yekun vurulub.
İdman.Biz xəbər verir ki, Fransa klubu 7:2 hesablı inamlı qələbəni təmin edib.
Qarşılaşma Leverkuzendəki "BayArena"da baş tutub.
Matçın açılış qolunu yeddinci dəqiqədə qonaqların müdafiəçisi Uilyam Paço vurub. 38-ci dəqiqədə Aleş Qarsia penalti ilə hesabı bərabərləşdirib. Üç dəqiqə sonra Dezir Due PSJ-ni önə çıxarıb, 44-cü dəqiqədə isə Xviça Kvaratsxeliya hesabı 3:1-ə çatdırıb. Dezir Due birinci hissəyə əlavə olunmuş vaxtda dubla imza atıb.
50-ci dəqiqədə Nunu Mendeş "Bayer"in qapısına 5-ci qolu vurub. Aleş Qarsia 54-cü dəqiqədə hesab arasındakı fərqi azaldıb. Lakin 12 dəqiqə sonra Usman Dembele hesab arasındakı fərqi 4 qola çatdırıb.
Oyunun son qolunu 90-cı dəqiqədə Vitinya vurub.
Qeyd edək ki, "Bayer"in futbolçusu Robert Andrix və PSJ-nin futbolçusu İlya Zabarnıy ilk hissədə meydandan qovulub.
Bu oyundan sonra PSJ doqquz xalla Çempionlar Liqasının turnir cədvəlinə başçılıq edir, "Bayer" isə iki xalla pley-offdan kənardadır.
