Sport24.az
PSJ ev oyunlarını keçirdiyi ''Park de Prens'' stadionunu tərk edəcək. Sport24.az xəbər verir ki, bu barədə "L`Equipe" məlumat yayıb.
Paris klubunun sahibi Nasser Əl-Xəlaifi PSJ üçün yeni stadion tikdirməyi planlayır. O, bu barədə öz açıqlamasında bildirib. Əl-Xəlaifi qeyd edib ki, "Park de Prens" stadionunu almaq üçün çoxsaylı cəhdlər etsələr də, Paris şəhər bələdiyyəsi ilə razılaşa bilməyiblər.
Buna görə də klub rəhbərliyi PSJ üçün 60 min azarkeş tutumuna malik yeni stadion tikməyə başlayacaq. Arenanın 3-4 il ərzində hazır olacağını gözlənilir.
Qeyd edək ki, PSJ 1974-cü ildən ev matçlarını ''Park de Prens''də keçirir.
