Idman.biz
PSJ-nin prezidenti Nasser Al-Xelaifi klubun bütün 600 işçisini mayın 31-də Münhendə keçiriləcək Çempionlar Liqasının finalına pulsuz biletlərlə mükafatlandırmaq qərarına gəlib.
İdman.biz xəbər verir ki, klub biletlərdən əlavə işçilərin yol və yaşayış xərclərini tam ödəyəcək, həmçinin onlara adətən yalnız əsas komanda oyunçularının aldığı bonusların bir hissəsini də verəcək.
Əl-Xelaifi kollektivə müraciətində qeyd edib ki, klubun uğurları bütün şöbələrin və hər bir işçinin birgə əməyinin nəticəsidir. O, PSJ-nin vahid məqsədlə birləşən böyük ailə olduğunu və bu səbəbdən mövsümün həlledici oyununda hamının komandanın yanında olmasının vacibliyini vurğulayıb.
2020-ci ildə COVID-19 pandemiyası səbəbindən klubun bütün işçilərini Lissabonda keçirilən finala dəvət edə bilməməsi nəzərə alınmaqla hazırkı qərar xüsusilə rəmzi məna daşıyır. İndi hər kəs "İnter"lə "Allianz Arena"da kubok uğrunda mübarizə aparacaq komandaya şəxsən dəstək olmaq imkanı əldə edəcək.
İdman.biz
