Idman.biz
"Benfika"nın hücumçusu Canluka Prestianninin agenti Qaston Fernandes, müvəkkilinin iki komanda arasında Çempionlar Liqasının pley-off mərhələsinin birinci tur matçında "Real Madrid"in cinah oyunçusu Vinisius Juniora qarşı etdiyi iddia edilən irqçi təhqir barədə UEFA-ya ifadə verməsi ilə bağlı məlumatları təkzib etdi.
"UEFA-nın araşdırması zamanı Canluka Prestianninin şərhləri ilə bağlı dərc olunan məlumatlar həqiqətə uyğun deyil. Bu məsələ ilə bağlı mümkün sanksiyalar barədə bizə məlumat vermək üçün heç kim rəsmi olaraq bizimlə əlaqə saxlamayıb.
"Benfika"nın açıqlamasından sonra bu məsələni daha ətraflı müzakirə etmək istəmirik. Artıq baş verənlərin onun necə təqdim edildiyinə və ya təsvir edildiyinə uyğun olmadığını açıq şəkildə bildirmişik. Oyunçunun rahatlığını təmin etmək bizim üçün vacibdir", - deyə "A Bola" qəzeti Fernandezdən sitat gətirir.
Vinisius Prestiannini onu "meymun" adlandırmaqda günahlandırdıqdan sonra oyun bir müddət dayandırılıb. Qeyd etmək lazımdır ki, sözü deyərkən argentinalı ağzını köynəyi ilə örtüb.
18:58
"Benfika"nın hücumçusu Canluka Prestianni Çempionlar Liqasının pley-off mərhələsində "Real Madrid"lə (0:1) keçirilən ilk oyununda İspaniya klubunun cinah oyunçusu Vinisius Juniorla insidentlə bağlı UEFA-ya ifadə verib.
İdman.Biz bu barədə ESPN-ə istinadən məlumat verir.
20 yaşlı argentinalı futbolçu "Real Madrid"in cinah oyunçusuna qarşı irqçi təhqirlərdən istifadə etdiyini təkzib edib. O, ispan dilində "meymun" mənasını verən sözə çox bənzəyən təhqir işlətdiyini iddia edib.
Vinisius Prestiannini ona "meymun" deməkdə günahlandırdıqdan sonra oyun ikinci hissədə dayandırılıb. Argentinalı futbolçu həmin vaxt ağzını köynəyi ilə örtüb.
UEFA hadisəni araşdırmaq üçün xüsusi etika və intizam müfəttişi təyin edib.
