İdman.biz
Misli Premyer Liqasında təkbətək, o cümlədən hava mübarizəsində daha yaxşı olan futbolçular bəlli olub.
İdman.biz ölkə çempionatında bu cür halların statistikasını nəzərdən keçirib.
Təkbətək mübarizələrdə ən fəal futbolçu Cordan Rezabaladır. "Sumqayıt"ın oyunçusu 127 dəfə belə epizoddan qalib ayrılıb. Coy Lens Milkels ("Sabah") 109, Kilan Lebon ("Neftçi") 108 dəfə üstün olub.
Hava duellərinin lideri Con İrasabaldır. "Sabah"ın futbolçusu 45 dəfə "ikinci mərtəbə" mübarizələrinin qalibi olub. "Neftçi"nin futbolçusu Yuri Matias 36, "Turan Tovuz" təmsilçisi Roderik Miller 30 dəfə fərqlənib.
15 futbolçu iştirak etdiyi bütün hava mübarizələrində qalib olub. Lakin onların hamısı belə mübarizələrdə az iştirak etmiş futbolçulardır. 100 faizli nəticəyə malik bu 15 futbolçudan ən çox hava mübarizəsində iştirak edən "Neftçi"nin qolkiperi Rza Cəfərovdur (6 dəfə). 20-dən çox hava mübarizəsində qalib gələn futbolçular sırasında ən yüksək faiz göstəricisi "Qarabağ"ın müdafiəçisi Bədavi Hüseynovdadır – 75%. O, 28 belə mübarizənin 21-də rəqibə imkan verməyib. 24 dəfə üstün olan Elvin Bədəlovda ("Sumqayıt") bu göstərici 72,73%, 30 hava qələbəsi olan Roderik Millerdə ("Turan Tovuz") 71,43%-dir.
Vüqar Məmmədov
