Sport24.az
İngiltərə Premyer Liqasının bir neçə oyunçusunun bazar dəyəri yenilənib. Sport24.az xəbər verir ki, bu barədə nüfuzlu "Transfermarkt" portalı məlumat yayıb.
"Mançester Siti"nin hücumçusu Erlinq Haaland 180 milyon avro dəyərində İngiltərə Premyer Liqasının ən bahalı oyunçusu olub. "Arsenal"ın vingeri Bukayo Saka 140 milyon avro dəyərində ikincidir. "Liverpul"un hücumçusu Aleksander İsak isə Premyer Liqanın ən bahalı oyunçularının ilk "üçlüyü"nü tamamlayır (140 milyon avro).
"Transfermarkt"a görə Premyer Liqanın ən bahalı 10 futbolçusu:
Erlinq Haaland (Mançester Siti) — 180 milyon avro.
Bukayo Saka (Arsenal) — 140 milyon avro (-10 milyon avro).
Alexander Isak (Liverpul) — 140 milyon avro (+20 milyon avro).
Florian Virtz (Liverpul) — 130 milyon avro (-10 milyon avro).
Koul Palmer ("Çelsi") — 120 milyon avro.
Deklan Rays (Arsenal) — 120 milyon avro.
Moyses Kaysedo (Çelsi) — 100 milyon avro (+10 milyon avro).
Aleksis Mak Allister (Liverpul) — 100 milyon avro.
Rayan Qravenberx (Liverpul) — 90 milyon avro (+15 milyon avro).
Rodri (Mançester Siti) — 90 milyon avro (-20 milyon avro).
Premyer Liqaya yeddi oyundan sonra 16 xalla "Arsenal" başçılıq edir. "Liverpul" 15 xalla ikincidir. İlk "üçlüy"ü "Tottenhem" (14) tamamlayır.
