Sport24.az
Misli Premyer Liqasının XXIV turunda üç futbolçu cəza səbəbindən meydana çıxa bilməyəcək. Sport24.az xəbər verir ki, bunlar "Qarabağ"dan Kevin Medina, "Araz-Naxçıvan"dan İqor Ribeyro, "Sabah"dan isə İqor Noqeyradır.
Medina ilə Riberyo ötən turda qırmızı vərəqə aldıqları üçün cəzalı duruma düşüblər. Onlar müvafiq olaraq "Neftçi" (1:0) və "Turan Tovuz"la (0:1) matçlarda meydandan qovulublar.
Noqeyra isə "Səbail"lə görüşdə (0:0) sarı vərəqə alaraq cəzalı duruma düşüb.
Qeyd edək ki, "Qarabağ" növbəti turda "Sabah"la, "Araz-Naxçıvan" isə "Səbail"lə üz-üzə gələcək.
