Idman.biz
"Real Madrid" bu qış onu icarəyə vermək qərarına gəlsə, "Brayton" və digər Premyer Liqa klubları "Kral klubu"nun hücumçusu Qonsalo Qarsiya uğrunda mübarizəyə qoşula bilərlər.
İdman.Biz bu barədə "Daily Mail"ə istinadən bildirir.
Məlumata görə, İngiltərənin "Lids" və "Sanderlend" klubları ötən yay 21 yaşlı hücumçu ilə maraqlanıblar. Oyunçu daha çox oyun vaxtı qazanmaq üçün icarəyə götürülə bilər.
Bu mövsüm Qarsiya bütün yarışlarda doqquz oyunda meydana çıxıb və bir məhsuldar ötürmə edib. Onun klubla hazırkı müqaviləsi 2030-cu ilin yayına qədərdir. Transfermarkt portalındakı məlumata görə, onun bazar dəyəri 15 milyon avrodur.
