Sport24.az
"Vulverhempton"un yarımmüdafiəçisi Pedro Neto "Çelsi"yə keçməyə yaxındır. Sport24.az xəbər verir ki, bu barədə jurnalist David Orşteyn "X" sosial şəbəkəsində (keçmiş Twitter) yazıb.
O London klubunun portuqaliyalı vingerin transferi ilə bağlı razılığa gəldiyini və "zadəganlar"ın futbolçunun transferi üçün 60 milyon avro + 3 milyon avro (bonus) ödəyəcəyini qeyd edib. Yaxın vaxtlarda futbolçu London klubunda tibbi müayinədən keçəcək.
Pedro Neto zədə səbəbindən ötən mövsümün çox hissəsini buraxıb. Ümumilikdə portuqaliyalı cinah oyunçusu son mövsümdə "Vulverhempton"da 24 oyuna çıxıb, üç qol vurub və on bir məhsuldar ötürmə verib.
