Idman.biz
DÇ-2026-nın seçmə mərhələsində İrlandiya Portuqaliyanı qonaq edib.
İdman.Biz bildirir ki, oyun Dublindəki "Aviva" stadionunda baş tutub. Meydan sahibləri 2:0 hesabı ilə qalib gəliblər.
İrlandiyanın hücumçusu Troy Parrott 17-ci dəqiqədə hesabı açıb. Parrott 45-ci dəqiqədə dubl edib.
59-cu dəqiqədə Portuqaliyanın hücumçusu və kapitanı Kriştiano Ronaldo birbaşa qırmızı vərəqə alıb. Hakim əvvəlcə 40 yaşlı oyunçuya müdafiəçi Dara O'Şini arxadan dirsəklə vurduğuna görə sarı vərəqə göstərib, lakin monitorda hadisəni nəzərdən keçirdikdən sonra onu meydandan qovub.
Beş turdan sonra İrlandiyanın yeddi xalı var və F qrupunda üçüncüdür. Portuqaliya 10 xal qazanıb və birinci yerdədir.
