Idman.biz
"Porto" Lük de Yonqun tibbi müayinəsini gizli şəkildə təşkil edərək transfer məlumatının vaxtından əvvəl yayılmasının qarşısını almağa çalışıb.
İdman.biz xəbər verir ki, "Sevilya" və "Barselona"nın sabiq hücumçusu, PSV-dən ayrıldıqdan sonra azad agent kimi Portuqaliya klubuna keçib.
"Porto" onun transferini bazar günü rəsmən elan edib və həmin gün futbolçunun təqdimatı da baş tutub.
"O Jogo"nun məlumatına görə, "Porto" de Yonqla rəsmi açıqlamadan bir həftə əvvəl danışıqlara başlayıb. Klub bu transfer üzərində işi maksimum səviyyədə gizli saxlamağa qərar verib. Məlumatın sızma riskini azaltmaq üçün de Yonqun tibbi müayinəsi onun guya həndbol komandasının yeni oyunçusu kimi keçirilib. Bundan əlavə, hücumçunun hava limanındakı baqajını onun agenti götürüb.
Qeyd olunur ki, de Yonqun "Porto"nun futbolçusu kimi təqdimatından cəmi bir saat əvvələ kimi bu transferdən yalnız klub rəhbərliyi xəbərdar olub.
İdman.biz
