Lent.az
"Monako"nun yeni futbolçusu Pol Poqba diskvalifikasiyadan sonra peşəkar futbola qayıtması ilə bağlı fikirlərini bölüşüb.
Lent.az xarici mediaya istinadla xəbər verir ki, 32 yaşlı fransalı idmançı azad agent kimi "Monako" ilə müqavilə imzalayıb.
"Çoxlu sayda mesajlar aldım, onlar həqiqətən mənə təsir etdi. Azarkeşlərin və ümumilikdə insanların dəstəyini hiss etmək xoş idi.
Bu gün özümü həm əqli, həm də fiziki cəhətdən yaxşı hiss edirəm və əminəm ki, burada Monakoda hər cür şərait yaradılıb - çox yaxşı enerji və yaxşı insanlar mənə ən yaxşı səviyyəmə qayıtmağa kömək edəcəklər.
Mən hədəflər qoymağı və plana əməl etməyi bilirəm. Yenidən futboldan həzz almaq istəyirəm, çünki ən çox darıxdığım şey bu idi. Buna görə də mənim məqsədim oyuna ən yüksək səviyyədə qayıtmaqdır, amma bunu məcbur etmədən öz tempimdə etməkdir", - o deyib.
Futbolçunun "Monako" ilə müqaviləsi 2027-ci ilə qədər qüvvədə olacaq.
