Sport24.az
"Barselona"nın 34 yaşlı polşalı qapıçısı Voyçex Şesni Kataloniya klubu ilə "Yuventus"un fərqindən danışıb. Sport24.az xəbər verir ki, "çərçivə qoruyucusu" bu barədə "Football Espana" portalına açıqlama verib:
"Taleyimdən şikayət edə bilmərəm. Onun mənə münasibətinə görə çox minnətdar olmalıyam. "Barselona"da oynamaq çox maraqlıdır. Çünki bu izaholunmaz fərqli hissdir. Burda futboldan həzz almaq mümkündür.
Həyatda müqayisə aparmağı sevmirəm, amma deyə bilərəm ki, "Yuventus"da hər şey nəticədən asılıdır. Klub rəhbərliyi üçün ən vacib olanı nəticədir. Yenə deyirəm, "Barselona" da futbol oynamaq böyük sevincdir və yoluxucudur. Milyonlarla insanın baş verənləri necə izlədiyini görmək çox təəccüblüdür".
