Polşa millisinin və "Yuventus"un qapıçısı Voyçex Şensnı klubunu dəyişməyə yaxındır. Sport24.az yerli mətbuata istinadən xəbər verir ki,.34 yaşlı qolkiper böyük ehtimalla, karyerasını Səudiyyə Ərəbistanıda davam etdirəcək.
Bu ölkənin "Əl-Nəsr" klubu Şensnıya 2 illik müqavilə və hər il üçün 20 milyon avro təklif edib. Polşalı qapıçı klubunu dəyişməyə razıdır. İndi transferin reallaşması üçün Səudiyyə Ərəbistanın dövlət investisiya fondu transferə razılıq verməlidir.
Qeyd edək ki, Voyçex Şensnının hazırkı klubu "Yuventus"la 2025-ci ilin yayına kimi müqaviləsi var.