Sport24.az
Polşa mətbuatı Almaniyanın "Nürnberq" klubunda çıxış edən Azərbaycan millisinin futbolçusu Mahir Emreli haqqında yazı hazırlayıb. Sport24.az xəbər verir ki, məşhur "transfery info" nəşri 27 yaşlı hücumçunun son üç matçda dörd qol vurduğunu xatırladıb.
Aprel ayının "Legiya"nın sabiq oyunçusu üçün çox yaxşı keçdiyi diqqətə çatdırılıb:
"Mahir Emreli II Bundesliqada "Nürnberq"də çıxış edir. Daha əvvəl oktyabr-noyabr aylarında ardıcıl üç matçda qol vurmuşdu. Sonra quraqlıq oldu, amma hazırda futbolçu yenidən yüksəlişdədir. O, çempionatda meydana çıxdığı 21 qarşılaşmada 7 qolla yadda qalıb. Forvard Almaniya Kubokunda da fərlənməyə müvəffəq olub. Emreli 2022-ci ilin fevralınadək "Legiya"da çıxış edirdi. Oyunçu bir neçə ay ərzində 33 matçda 11 qola imza atmışdı. Azarkeşlərlə yaşanan unudulmaz hadisənin ardından o, klubun günahı ucbatından müqaviləyə xitam vermək istəmişdi. Sonradan tərəflər vidalaşmaq üçün razılıq əldə etdilər".
Qeyd edək ki, Mahir Emreli "Legiya"dan ayrıldıqdan sonra Xorvatiyanın "Dinamo" (Zaqreb) klubuna keçmişdi.
