Sport24.az
"Makkabi"nin (Tel-Əviv) baş məşqçisi Zarko Lazetic bildirib ki, komandası Avropa Liqasının 4-cü turunda "Aston Villa" ilə (0-2) qarşılaşacaqları oyun üçün "Villa Park" stadionuna 5 saat tez gəlməyə məcbur olub. Sport24.az xəbər verir ki, serbiyalı mütəxəssis bu barədə oyundan sonra təşkil olunan mətbuat konfransında danışıb:
"Bu, normal deyildi. Biz sadəcə oturduq... heç nə etmədik. Oyundan 5 saat əvvəl stadiona gəldik. Bu, çox çətin idi. Bu, bizim qərarımız deyildi".
Yerli polis İsrail təmsilçisinə saat 15:00-a qədər stadiona gəlməyi tapşırıb. Birmingemdəki matçda təhlükəsizliyi təmin etmək üçün təxminən 700 polis əməkdaşı səfərbər olub.
Oyundan öncə Fələstin tərəfdarı olan qruplar qarşılaşmanın ləğv edilməsini tələb edirdilər. Potensial etirazlar səbəbindən matç günü təhlükəsizlik tədbirləri gücləndirilmişdi.
Qeyd edək ki, 4 oyundan sonra aktivində 1 xal olan "Makkabi" 4 oyunda Avropa Liqasında 34-cü pillədə qərarlaşıb.
