Idman.biz
İngiltərə futbolunun əfsanəsi Pol Qaskoyn təcili reanimasiyaya yerləşdirilib.
İdman.biz "The Sun"a istinadən xəbər verir ki, hadisə cümə günü axşam baş verib.
"Tottenhem"in və İngiltərə millisinin 58 yaşlı keçmiş futbolçusu Pol Qaskoyn dostu tərəfindən evinin yataq otağında yarı huşsuz vəziyyətdə tapılıb. Onun dostu və şəxsi köməkçisi Stiv Foster dərhal ulduzu xəstəxanaya aparıb, Qaskoyn əvvəlcə reanimasiya şöbəsinə yerləşdirilib.
Son məlumata görə, futbol əfsanəsinin vəziyyəti stabilləşib. Pol Qaskoyn hazırda həkimlərin nəzarəti altındadır və bir neçə gün xəstəxanada qalacağı gözlənilir.
İdman.biz
