Idman.biz
"Monako"nun baş məşqçisi Sebastyen Pokonyoli 32 yaşlı yarımmüdafiəçi Pol Poqbanın sağalma müddəti barədə danışıb.
İdman.Biz bildirir ki, oyunçu 30 oktyabrda məşq zamanı topuğundan zədə alıb.
"Ümid edirəm ki, tezliklə qayıdacaq, amma bunu sonuncu dəfə deyəndə... ona görə də irəli getməməyə çalışıram. Hər şey lazım olduğu vaxt baş verəcək", - deyə L'Équipe Poconyolidən sitat gətirib.
Poqba hələ "Monako"da bir dəfə də olsun meydana çıxmayıb. Onun sonuncu çıxışı iki il əvvəl, 2023-cü ilin sentyabrında, "Yuventus"da "Empoli"yə qarşı 28 dəqiqə oynadığı vaxt olub.
22 noyabr şənbə günü "Monako" Fransa Liqa 1-in 13-cü turunda "Renn"lə qarşılaşacaq.
