"Yuventus"un texniki direktoru Kriştiano Juntoli komandanın yarımmüdafiəçisi Pol Poqbanın gələcəyi ilə bağlı danışıb. Sport24.az xəbər verir ki, bu barədə insayder Fabrizio Romano məlumat yayıb.
Juntoli 31 yaşlı yarımmüdafiəçinin komandadan ayrılacağını təsdiqləyib: "Poqba əla oyunçu idi, amma indi başqa planlarımız var. Biz müxtəlif oyunçulara sərmayə qoymuşuq və indi komandamız tam hazırdır".
Fevralın 29-da Poqba antidopinq qaydalarını pozduğuna görə 4 il müddətinə futboldan uzaqlaşdırılmışdı. Onun orqanizmində testosteron səviyyəsinin yüksəldiyi aşkarlanıb.
Oktyabrda məlum olub ki, fransalının diskvalifikasiya müddəti 18 aya endirilib. O, gələn ilin martında meydana qayıda biləcək.