Idman.biz
Bir neçə yoldaşlıq oyunu keçirdi, klubla müqavilə imzaladı və hərbi komissarlığa çağırıldı.
İdman.biz Ukrayna mətbuatına istinadən xəbər verir ki, bu hadisə "Podolye" klubunun müdafiəçisi Yevgeni Koroxovun başına gəlib.
27 yaşlı ukraynalı futbolçu bir müddət əvvəl Hərbi Komissarlıq və Səfərbərlik İdarəsinin əməkdaşları tərəfindən Rusiya ilə müharibə aparan Ukrayna ordusuna çağırılıb.
Həmin vaxt "Podolye" komandası Birinci Liqada yeni mövsümə hazırlıq məqsədilə təlim-məşq toplanışında olub. Koroxov bir neçə yoxlama oyunu keçirib və mövsümün sonuna qədər komanda ilə müqavilə də imzalayıb. Lakin rəsmi oyunda "Podolye"nin heyətində debüt etmək formasını geyinmək alınmayıb. Onun adı Birinci Liqanın ilk turunda UCSA-ya qarşı oyunun iştirak ərizəsinə daxil edilməyib.
Koroxov Zaporojyenin "Metallurq" klubunun yetirməsidir. Gənclər səviyyəsində Donetsk "Şaxtyor"u və Luqansk "Zarya"sında çıxış edib.
2020/21 mövsümündə Koroxov artıq "Podolye"də oynayıb və komandaya İkinci Liqadan daha yüksək diviziona vəsiqə qazanmağa kömək edib. Həmçinin Kiyevin "Obolon" klubunda çıxış edib. "Podolye"dən əvvəlki son komandası isə "Viktoriya" olub.
Daha əvvəl "Kudrovka" klubunun müdafiəçisi Roman Qaqunun da orduya çağırıldığı barədə məlumat yayılmışdı.
İdman.biz
