Idman.biz
"Barselona"nın keçmiş mərkəz müdafiəçisi Jerar Pike 2017-ci il İspaniya Superkuboku uğrunda oyunu"Real Madrid"in keçmiş oyunçusu Marselo ilə müzakirə edib.
İdman.Biz xatırladır ki, həmin vaxt "Real" iki oyunun nəticəsinə görə, "Barselona"nı 5-1 hesabı ilə yenib.
İlk oyunda "Real Madrid"in sabiq hücumçusu Kriştiano Ronaldo qırmızı vərəqə alıb. 80-ci dəqiqədə portuqaliyalıya qol vurduqdan sonra köynəyini çıxardığı üçün xəbərdarlıq edilib. İki dəqiqə sonra Ronaldo cərimə meydançasında yıxılaraq simulyasiyaya görə meydandan qovulub. Hücumçu daha sonra hakimi itələyib və daha sonra 5 oyunluq cəza alıb.
Marselo qeyd edib ki, Kriştianoya açıq şəkildə cəza təyin edilib. O, sarı vərəqə alıb və daha sonra hakimi itələdiyi üçün meydandan qovulub.
Pike isə Marselonun sözlərinə düzəliş verib: "Ona hakimi itələdiyinə görə sarı vərəqə verildi, halbuki bu, qırmızı olmalı idi. O, hətta şikayət etməyə başladı. Bu açıq-aydın qırmızı vərəqəlik idi, heyrətamizdir! Fırıldaq edə bilməyəndə şikayət edirlər - bu, Real Madridin DNT-sidir".
