Sport24.az
Qış fasiləsində Füzuli Məmmədovu "sükan arxasına" dəvət edən "Mingəçevir" heyəti komplektləşdirməyə çalışır. Sport24.az-ın əldə etdiyi məlumata görə, hazırda 7-8 futbolçu "nur şəhəri"nin təmsilçisinin düşərgəsində baxışdadı.
Baş məşqçinin etimadını doğruldanlarla yaxın günlərdə müqavilə imzalanacaq.
Bu yerdə onu da qeyd edək ki, "Mingəçevir" rəhbərliyi PFL-ə müraciət edərək 12-ci tur çərçivəsində keçiriləcək "Cəbrayıl"la görüşün təxirə salınmasını istəyib. Səbəb kimi isə komandanın yenidən qurulması və hazırlığı gec başlaması göstərilib. Ancaq ölkə çempionatının təşkilinə cavabdehlik daşıyan qurumdan qarşı tərəfə göstərilən səbəbin oyunun təxirə salınması üçün yetərli olmadığı bildiriib.
Qeyd edək ki, 11 turdan sonra aktivində 6 xal olan "Mingəçevir" qış fasiləsinə sonuncu, daha dəqiq desək, 10-cü pillədə yollanıb.
