Sport24.az
Bu gün Azərbaycan Peşəkar Futbol Liqasının (PFL) yaranması günüdür. Sport24.az xəbər verir ki, 2008-ci ilin iyulun 2-də yaradılan qurumun 17 yaşı tamam olur.
PFL 17 il öncə, AFFA-nın sabiq prezidenti Rövnəq Abdullayev tərəfindən yaradılıb. Qurumun ilk rəhbəri Ramin Musayev olub. 2022-ci ilin yayından isə PFL-in prezidenti Elxan Səmədovdur.
Ad gününü qeyd edən qurum bu 17 ildə daxili yarışları keçirir. Yarandığı gündən Azərbaycan Premyer Liqası, I Liqa (əvvəl I divizion) və Azərbaycan kubokunu təşkil edən PFL bir sıra yeniliklərə də imza atıb. Əvəzedicilər Liqası və uzun illərdən sonra II Liqa bərpa olunub, Region Liqası keçirilir. Həmçinin bu illər ərzində çempionatın səviyyəsi nəzərəçarpan dərəcədə artıb, bunun nəticəsində klublarımız beynəlxalq arenada daha uğurlu çıxış edərək dəfələrlə avrokubokların qrup mərhələsinə yüksəlib.
Sport24.az PFL-i 17 yaşı münasibətilə təbrik edir, bütün əməkdaşlarına istər şəxsi həyatlarlnda, istərsə də peşəa fəaliyyətində uğurlar arzulayır.
