Idman.biz
"Çelsi"nin sabiq hücumçusu Pet Nevin Erlinq Holandın İngiltərə Premyer Liqasının 8-ci turunda "Mançester Siti"nin "Everton" üzərində 2:0 hesablı qələbəsindəki oyunu ilə bağlı təəssüratlarını bölüşüb.
İdman.Biz xəbər verir ki, Nevin Holandın dubl etdiyi oyunda yenə də fenomen səviyyəsini göstərdiyini bildirib:
"O, meydanda sakit hərəkət edirdi, demək olar ki, onun adını çəkmirdik. Amma top iki dəfə onun ayağına gəldikdə heç bir şübhə yox idi ki, top qola çevriləcək. Holand yaxşı formadadır, uşaq oyunçularla oynayan yetkin kişi kimi görünür. O, inanılmaz dərəcədə sürətlidir və yenidən superinsan səviyyəsini nümayiş etdirir".
Qeyd edək ki, cari mövsümdə Holand bütün turnirlərdə 14 oyun keçirib. O, 17 qol vurub və 2 məhsuldar ötürmə edib.
