Idman.biz
Rusiya Federasiyası Prezidentinin mətbuat katibi Dmitri Peskov Vladimir Putinin ABŞ prezidenti Donald Trampdan dəvət alacağı təqdirdə 2026-cı ildə keçiriləcək futbol üzrə dünya çempionatına gələ biləcəyi ilə bağlı sualı cavablandırıb.
"Niyə də yox", – Peskov deyib.
Bir müddət əvvəl Tramp Vladimir Putini qarşıdan gələn dünya çempionatına dəvət edə biləcəyini bildirmişdi. Eyni zamanda siyasətçi əlavə edib ki, bu, "hadisələrin necə inkişaf etməsindən" asılıdır.
2026-cı il dünya çempionatı üç ölkədə keçiriləcək: ABŞ, Kanada və Meksika. Yarışda hər birində dörd komanda olmaqla 12 qrupa bölünəcək 48 milli komanda iştirak edəcək. İlk iki yeri tutan iştirakçılar, həmçinin üçüncü yeri tutan səkkiz ən yaxşı komanda dünya çempionatının pley-off mərhələsinə yüksələcək. Bundan başqa, DÇ-2026-ya yeni mərhələ - 1/16 final mərhələsi əlavə olunacaq.
İdman.biz
