Lent.az
Pep Qvardiola "Mançester Siti"dəki karyerasından sonra futboldan fasilə vermək niyyətində olduğunu etiraf edib, lakin futboldan tamamilə ayrılmayacaq.
Lent.az-ın xarici KİV-ə istinadla xəbərinə görə, onun müqaviləsi 2027-ci ilin iyun ayına qədərdir və bundan sonra fasilə verməkdən başqa planları yoxdur.
54 yaşlı məşqçi deyib: "Sadəcə dayanmaq, dincəlmək və sakit bir həyat sürmək istəyirəm".
Pep artıq 2012-ci ildə "Barselona"dan ayrıldıqdan sonra fasilə verib və yeni bir fasiləyə hazır görünür.
Hətta futbolu həyatından çıxardıqdan sonra edəcəyi səkkiz şeyin siyahısını tərtib edib: evdə yemək bişirmək, fransız dilini öyrənmək, uşaqları və ailəsi ilə daha çox vaxt keçirmək, səyahət etmək, konsertlərə və sərgilərə getmək və dünyanı özü üçün kəşf etmək.
