Sport24.az
"Mançester Siti"nin baş məşqçisi Pep Qvardiola "Real"ın braziliyalı futbolçusu Rodriqonun oyununu çox bəyənir və onu komandasında görmək istəyir". Sport24.az xəbər verir ki, bu barədə insayder Fabrisio Romano X sosial media hesabında bildirib.
Mənbənin sözlərinə görə, "Mançester Siti" "Tottenhem"ə transfer olunacağı gözlənilən Savionun gedəcəyi təqdirdə Rodriqonu yanına gətirəcək.
"Kral klubu" isə futbolçunun istəyəcəyi təqdirdə keçidinə mane olmayacaq. Madrid təmsilçisi braziliyalını 100 milyon avroya satmaq fikrindədir.
Qeyd edək ki, 24 yaşlı braziliyalı ötən mövsüm bütün turnirlərdə 54 matçda meydana çıxıb, 14 qol vurub və 11 məhsuldar ötürmə verib. Onun klubla hazırkı müqaviləsi 2028-ci ilin yayında başa çatır.
