Idman.biz
"Mançester Siti"nin baş məşqçisi Pep Qvardiola "Real Madrid"in yarımmüdafiəçisi Cud Bellinqemi ideal transfer hədəfi kimi görür.
İdman.Biz xəbər verir ki, "Siti" rəhbərliyinin 21 yaşlı yarımmüdafiəçini heyətinə qatmaq üçün mövsümün sonunda böyük maliyyə paketi hazırlaması ilə bağlı "Goal24" məlumat yayıb.
Klubun baş məşqçisi Pep Gvardiola gənc ulduzu komandasının oyun strukturuna tam uyğun hesab edir.
Məlumata görə, Mançester təmsilçisi Bellinqhem üçün 150 milyon avro (297 milyon AZN) məbləğində təklif irəli sürməyə hazırdır. Madrid klubunun isə belə bir halda yalnız rekord səviyyəli təklifləri nəzərdən keçirəcəyi iddia olunur.
Bellinqhem hazırda "Real Madrid"də əsas heyətin aparıcı oyunçularından biridir və həm La Liqada, həm də Çempionlar Liqasında yüksək performansı ilə diqqət çəkir. İspaniya nəhəngi futbolçunun satılmasını planlaşdırmasa da, Premyer Liqa çempionunun təklif edəcəyi böyük məbləğin mövsümün sonunda danışıqları qızışdıracağı gözlənilir.
