İdman.biz
"Komandada atmosfer çox yaxşıdır. Məşqlərimiz yaxşı keçir. Bu matçdan öncə istirahət və bərpa olunmaq üçün daha çox vaxtımız oldu".
İdman.biz xəbər verir ki, bunu Sabah"nin hücumçusu Pavol Safranko deyib.
Slovakiyalı futbolçu Konfrans Liqasının III təsnifat mərhələsinin "Sent Patriks"lə keçiriləcək cavab matçı barəsində fikir bildirib: "Hamımız bir-birimizə inanırıq. Azarkeşlərimizlə birlikdə çalışacağıq ki, klubumuz üçün ən yaxşısını edək. Əsas hədəfim hər oyundan qalib ayrılmaqdır. Qrup mərhələsinə vəsiqə qazanmağa çalışmalıyıq. Bunu bacara bilsək, bizim üçün fantastika olar. İnanıram ki, bu hədəfi gerçəkləşdirə bilərik. Çempionatda "Qarabağ"a qarşı mübarizə aparmağa çalışmaq lazımdır. Yaxşı mübarizə aparsaq, hər komandaya qalib gələ bilərik".
Qeyd edək ki, "Sabah" - "Sent-Patriks" oyunu saat 20:00-da start götürəcək. İlk oyun İrlandiya təmsilçisinin 1:0 hesablı qələbəsi ilə yekunlaşıb.
İdman.biz
