Sport24.az
"Oyuna yaxşı başladıq. Lakin matçın gedişində bəzi səhvlərə yol verdik". Bu sözləri Sport24.az-a "Sabah"ın futbolçusu Pavol Safronko deyib.
30 yaşlı hücumçu səfərdə "Kəpəz"ə 2:3 hesabı ilə uduzduqları Azərbaycan Premyer Liqasının XXI turunun oyunu ilə bağlı fikirlırini bölüşüb:
"Rəqibə hörmətlə yanaşırıq, lakin deyərdim ki, bu qarşılaşmanı öz səhvlərimizdən uduzduq. Çox xətaya yol verdik. İstənilən rəqib bunlardan lazımınca istifadə edərdi. Bu problemlərin üzərində çalışmalı və növbəti oyunlarda təkrarlamamalıyıq. Daha çox konsentrasiya olmalıyıq".
Slovakiya oyunçu hazırda ölkə kuboku qarşılaşmasına köklənəcəklərini söyləyib:
"Premyer Liqada "Turan Tovuz"la görüşdən əvvəl bizi qarşıda "Sumqayıt"la kubok oyunu gözləyir. Ona görə də, hazırda yalnız bu oyunu düşünür və 100 faiz bu matça konsentrasiya olmuşuq".
