Sport24.az
"Sabah"ın bu yay heyətinə qatdığı Pavol Şafranko Sport24.az-a müsahibə verib. 29 yaşlı sloveniyalı hücumçu həm Konfrans Liqsında üzləşdikləri uğursuzluğa toxunub, həm də Azərbaycan Premyer Liqası barədə danışıb.
- Konfrans Liqasında uğurlu çıxış etməyinizə nə mane oldu?
- Hər iki oyunda qırmızı vərəqə aldıq. Avrokubok matçlarında da azlıqda qalırsansa, yaxşı nəticə əldə etmək çox çətin olur. Rəqib bizi yaxşı təhlil etmişdi. İrlandlar hər iki oyunda yaxşı mübarizə apardılar və nəticədə növbəti mərhələ çıxdılar. Ümid edirəm, növbəti mövsümdə də avrokuboklarda çıxış edəcəyik. Və bu yay topladımız təcrübə işimizə yarayacaq, daha uzağa getməyimizə yardımçı olacaq.
- Konfrans Liqasında uğursuzluq psixoloji cəhətdən komndaya təsir etdi?
- Bu futboldur. Burda müsbət nəticələrlə yanaşı, uğursuzluqda var. Fikrimcə, komandanın bu vəziyyətdən çıxması üçün kifayət qədər təcrübəsi var.
- "Sent Patriks"ə məğlubiyyətdən sonra "Neftçi"ni məğlub etdiz. Oyuna hansı motivasiya ilə çıxmışdız?
- "Sent Patriks" məğlubiyyətindən sonra komandanın hər bir üzvü "Neftçi" ilə oyuna maksimum köklənmişdi. Hər bir futbolçu meydanda var qüvvəsi ilə mübarizə apardı. Bunun da nəticəsində layiq olduğumuz qələbəni qazandıq. Bu matçda qalib gəldiyimiz üçün çox şadam.
- "Sabah"a və Azərbaycan Premyer Liqasına tam uyğunlaşmısan?
- Komandamız qələbələri sıraladıqca, bu suala daha ətraflı cavab verəcəm (gülür).
- Kollektivdə ən çox hansı futbolçu ilə yaxınsan?
- Hamı ilə yaxşı münasibətim var. Komandaya gəldiyim ilk gündən Amin Seydiyevdən çox xoş, mehriban münasibət görmüşəm. Onunla yanaşı, Con İrasabal, Anatoli Nuriyev, Coy-Lens Mikelslə də gözəl münasibətin var. Komandada ən çox ünsiyyətdə olduğum oyunçular isə Boyan Letiç, Neqoş Kupusoviç və İvan Lepinitsadır. Boyan və Neqoş Slovakiyada oynayıblar. Ümumi götürdükdə, "Sabah"da çox yaxşı kollektiv formalaşıb, hamı bir-biri ilə xoş münasibət saxlayır.
- Premyer Liqada hədəfiniz nə olacaq?
- Hər oyun daha da yaxşı olmaq üçün üzərimizdə çox çalışmalıyıq. Oyundan oyuna həm fərdi şəkildə, həm də komanda olaraq artırmalıyıq ki, sonda hədəflərimizə çata bilək.
- Bakı və Azərbaycanla bağlı ilkin təəssüratın necədi?
- Zəngin mədəniyyətə malik ölkədir. Paytaxtınız da çox gözəldir. Təəssüf ki, Bakını ətraflı tanımaq üçün o qədər də vaxtım olmayıb.
ABDULLA İSMAYILOĞLU
