Sport24.az
"Roma"nın hücumçusu Paulo Dibala sol bud vətərindən əməliyyat olunduqdan sonra İtaliyaya qayıdıb. Sport24.az "Football Italia"ya istinadən xəbər verir ki, argentinalı növbəti mövsümün startını buraxa bilər.
Londondakı əməliyyatdan sonra Romaya qayıdan futbolçu hava limanında jurnalistlərin əhatəsinə düşüb. Media mənsubları ondan yaşıl meydanla nə vaxt dönə biləciyni söruşublar:
"Mən bu barədə heç nə bilmirəm. Çəlik olmadan yeriyə bilirəm, amma həkimlər dedilər ki, onlardan istifadə etməliyəm. Özümü yaxşı hiss edirəm, hər kəsə təşəkkür edirəm".
Qeyd edək ki, argentinalı futbolçu cari mövsümdə "Roma"nın heyətində 36 oyun keçirib, 8 qol vurub və 4 məhsuldar ötürmə verib.
