Idman.biz
Fransanın sabiq peşəkar futbolçusu Patris Evra əvsanəvi baş məşqçi Ser Aleks Ferqyuson haqqında xatirələrini bölüşüb.
İdman.biz xəbər verir ki, Patris Evra "Mançester Yunayted"in sabiq baş məşqçisi barədə xoş təəssüratlarını bildirib.
"Bu, həyatımın ən ağır günlərindən biri idi. Mən ağlamadım, amma sarsıldım və uzun müddət özümə gələ bilmədim.
Ser Aleks Ferqyusonun gedişindən iki həftə əvvəl o, məni kabinetinə çağırdı və dedi: "Patris, hamı düşünür ki, mən təqaüdə çıxıram, amma mən qalmağı planlaşdırıram. Daha çox Çempionlar Liqasını qazanmalıyıq", deyə, fransalı veteran vurğulayıb.
Patris Ferqyusonun artıq Qaret Beylin transferi barədə razılaşdığını, Kriştianu Ronaldonun isə 99 faiz qayıdacağını söylədiyini bildirib: "Ona lazım olan yeganə şey 200 milyon idi, lakin klub bu məbləği ayırmaqdan imtina etdi.
İndi isə onlar kluba layiq olmayan futbolçulara 1 milyarddan çox pul xərcləyiblər.
Bu hadisə 2013-cü ildə, bizim çempionluq qələbəmizdən dərhal sonra baş verdi. Mən kabinetdən belə bir fikirlə çıxdım: "Kriştianu və Beyl komandadadır – biz yenidən oyundayıq."
Amma hamımız bilirik ki, bu, necə yekunlaşdı. Sizcə, həmin vaxt ayrılacaq 200 milyon nəyisə dəyişə bilərdimi?".
Qeyd edək ki, Ser Alex Ferguson futbol tarixinin ən uğurlu menecerlərindən biridir. O, 1986-2013-cü illərdə "Mançester Yunayted"in baş məşqçisi olub, 13 Premyer Liqa, 5 İngiltərə Kuboku və 2 UEFA Çempionlar Liqasının qalibi olub.
İdman.biz
