Idman.biz
"Araz-Naxçıvan"ın legioneri Patrik Andrade Sportal.az saytına müsahibə verib.
İdman.biz xəbər verir ki, o, Konfrans Liqasının II təsnifat mərhələsinin "Aris"lə il oyununda qazanılmış qələbəni şərh edib.
- "Aris"lə görüşdə qələbə qazanmağı bacardınız. Matç sizin üçün necə alındı?
- Yaxşı oyun alındı. Biz bunun üçün çalışmışdıq. Toplanışda da ən yaxşı şəkildə hazırlaşdıq və "Aris"i analizlər etdik. Oyun ərzində də qol şanslarımız az deyildi. Sonda 2 qol vurmağı bacardıq. Hamımız bu nəticəyə görə sevinirik. Yaxşı nəticə əldə etdik. Oyun artıq geridə qaldı və həftə ərzində cavab görüşünə hazırlaşacağıq.
- Bu matçı yaxşı səviyyədə keçirdin, baxımlı qola da imza atdın. Bu haqda fikrin necədir?
- Bu, tək mənimlə bağlı deyil, komandamız çox yaxşı mübarizə apardı. Biz yaxşı işlədik, kompakt şəkildə, birlikdə çıxış etdik. Sonda da qələbə qazanmağı bacardıq.
- Cavab görüşü haqda hansı fikirdəsən? Səncə, 2:1 hesabı növbəti mərhələyə vəsiqə qazanmağınıza kömək edəcək?
- Biz addım-addım irəliləyirik. Həftə ərzində yaxşı işləyəcəyik. Hər halda, cavab görüşündə də ilk matçdakı kimi oynayacağıq. Sona qədər mübarizə aparacağıq. Ümidvaram ki, hər şey istədiyimiz kimi olacaq.
- Yunanıstandakı səfər görüşləri hər zaman çətin alınır. Hər halda azarkeşlər də buna səbəbkardır. Səncə, "Araz-Naxçıvan" səfərdə bu atmosferə hazırdır?
- Əlbəttə. Biz hər şeyə hazırıq. Çünki hazırlaşmışıq, yaxşı kollektivimiz var. Atmosferdən asılı olmayaraq, biz sona qədər mübarizə aparacağıq.
- "Aris"in vurduğu qoldan öncə "Araz-Naxçıvan" tərəfi hakimdən penalti tələb edirdi. Səncə, həmin epizodda penalti var idi?
- Düzünü desəm, görmədim.
- Bəs həmin epizodun iştirakçısı olan Simakalanın özü nə dedi?
- Bəli, Simakala penalti olduğunu bildirdi. Çünki dedi ki, ona toxunuş olmuşdu. Hər halda, bu haqda danışmaq istəmirəm. Həmin görüş geridə qaldı. Qarşıda bizi cavab matçı gözləyir. İşləyəcəyik. Yunanıstanda da uğurlu nəticənin davamını gətirmək istəyirik.
İdman.biz
