İdman.biz
"Hazırlıq prosesinin həm Bakı, həm Avstriyada gerçəkləşən mərhələsi planlaşdırdığımız şəkildə gedir".
İdman.biz xəbər verir ki, bunu "Qarabağ"ın futbolçusu Patrik Andrade deyib.
Kabo-verdeli yarımmüdafiəçi klubun mətbuat xidmətinə açıqlama verib. O, komandanın yeni mövsümə hazırlıq prosesi və Avstriyada keçirilən yoxlama oyunları barədə fikirlərini bildirib: "Texniki heyət və futbolçular arasında anlaşma yüksək səviyyədə olduğundan toplanış da istədiyimi kiçi keçir. Hamımızın məqsədi eynidir ki, Çempionlar Liqasında uğurla çıxışla Azərbaycanı və "Qarabağ"ın adını layiqincə təmsil edək, həmçinin azarkeşlərimizi sevindirək. Ümid edirəm ki, bu əməyimizin bəhrəsini avrokuboklarda görəcəyik. "Slaven"lə bugünkü matçda istədidiklərimizin böyük hissəsini göstərə bildik. Öz oyunuma gəlincə, formamı bərpa etmək üzrəyəm və tezliklə istənilən səviyyəyə çatacam".
Kabo-verdeli yarımmüdafiəçi komandanın məqsədinə toxunub və azarkeşlərə səslənib: "Hədəfimiz hər zaman olduğu kimi böyükdür. Hər kəs məqsədimizi bilir. Bunun üçün çalışırıq ki, istəyimizə çataq. Azarkeşlər həmişə bizi dəstəkləyiblər. Onları yenə arenaya gəlməyə və yanımızda olmağa çağırıram. Gəlin hədəfimizə bir yerdə çataq".
İdman.biz
