Sport24.az
Braziliyanın "Palmeyras" klubu "Zenit"in müdafiəçisi Ninonu transfer etməyi planlaşdırır. Sport24.az xəbər verir ki, bu barədə "TV Esprito de Porco" sosial media hesabında paylaşım edib.
Mənbənin məlumatına görə, Braziliya klubu 28 yaşlı braziliyalı üçün Sankt-Peterburq klubuna 14 milyon avro təklif etməyi planlaşdırır. Məbləğin bir hissəsi müəyyən nəticələrə görə bonuslar şəklində ödəniləcək.
Qeyd edək ki, Nino 2024-cü ilin yanvarında "Fluminense"dən "Zenit"ə keçib. Müdafiəçi bu mövsüm Rusiya Premyer Liqasında 15 oyun keçirib, 1 qol vurub və 1 məhsuldar ötürmə edib. Onun Rusiya klubu ilə müqaviləsi 2028-ci ilin yayına qədər nəzərdə tutulub.
