Sport24.az
Özbəkistan millisi dünyanın ən güclü milli komandalarının reytinqində beş pillə irəliləyərək 50-ci yerə yüksəlib. Sport24.az FIFA-nın rəsmi saytına istinadən xəbər verir ki, Özbəkistan yığması 2016-cı ilin oktyabrından bu yana, 9 il ərzində ilk "50-liy"ə daxil ola bilməmişdi.
Özbəkistan millisi artıq ABŞ, Kanada və Meksikanın ev sahibliyi edəcəyi DÇ-2026-ya vəsiqə qazanıb.
Qeyd edək ki, FIFA reytinqində ilk "dördlük" dəyişməz qalıb: İspaniya, Argentina, Fransa və İngiltərə. Braziliya iki pillə irəliləyərək beşinci yerə yüksəlib. Onlardan sonra ilk "10-luq"da Portuqaliya, Hollandiya, Belçika, Almaniya və Xorvatiya gəlir.
Azərbaycan millisi isə ötən ayla müqayisədə FIFA reytinqində dörd pillə geriləyib. Ayxan Abbasovun baş məşqçisi olduğu kollektiv 1132.97 xalla 127-ci pillədə qərarlaşıb.
