Idman.biz
Türkiyə mediasında Niderlandın "Volendam" klubunun və Azərbaycan millisinin yarımmüdafiəçisi Ozancan Kökçünün "Beşiktaş"a mümkün keçidi barədə məlumatlar yayılmışdı.
İdman.Biz xəbər verir ki, futbolçunun atası Halis Kökçü bu məlumatlara münasibət bildirib.
"Ozan "Volendam"ın futbolçusudur. Ozanla bağlı "Beşiktaş"la heç bir danışıqlar aparılmayıb. Yayılan xəbərlər həqiqətə uyğun deyil", - deyə Kökçü vurğulayıb.
Daha əvvəl bir sıra nəşrlər "Beşiktaş"ın guya Ozan Can Kökçünü transfer siyahısına daxil etdiyini yazmışdı, lakin futbolçunun atasının sözləri bu məlumatı tamamilə təkzib edib.
