Idman.biz
İngiltərə millisinin sabiq hücumçusu Maykl Ouen isveçli forvard Aleksandr İsakın kluba transferini müzakirə edərkən "Liverpul" azarkeşlərini ikiüzlü adlandırıb.
İdman.biz xəbər verir ki, Ouen "qırmızılar"ın azarkeşlərinin müdafiəçi Trent Aleksander-Arnoldun klubdan ayrılaraq "Real Madrid"ə keçməsindən narazı qaldıqlarını, lakin İsakın "Nyukasl"ı tez bir zamanda tərk etmək istəyini müsbət qarşılandığını qeyd edib.
"Bir oyunçu klubunuzu tərk edəndə, eyni şey başqa yerdə də baş verirsə üzülmək sadəlövhlükdür. Təbii ki, "Nyukasl" azarkeşləri İsakın getməsinə üzüldülər. Amma Trent gedəndə əsəbiləşən "Liverpul" azarkeşlərini xatırlayın.
Klub İsakı aldı və "Liverpul"lular sevinirlər, baxmayaraq ki, "Nyukasl"ın azarkeşləri xoşlarına gələn birini itiriblər. Bu futboldur. Mənim bu cür ikiüzlülükdən xoşum gəlmir", - Ouen deyib.
İdman.biz
