Sport24.az
"Turan Tovuz"un legioneri Otto Con Sport24.az-a müsahibə verib. Nigeriyalı futbolçu ilk turla bağlı fikirlərini bölüşüb, yeni mövsümlə bağlı danışıb.
- Mövsümdə ilk oyununuzu keçirdiz. Səncə, "Neftçi"ylə matçda 1 xal qazandız, yoxsa 2 xal itirdiz?
- Təlim-məşq toplanışında çox çalışmışıq. Mövsümə uğurlu nəticə ilə başlamaq istəyirdik. Hər bir komanda üçün mövsümün startı çətin olur. Bir qədər fiziki olaraq da yorğun idik. Amma ümumi götürəndə yeni "futbol ili"ndə ilk oyunumuzu uğurlu hesab edirəm.
- Yayda komandanın "sükanı arxasına" Kurban Berdiyev dəvət olunub. Onunla bağlı fikirlərini bilmək istərdik.
- Təcrübəli və səviyyəli baş məşqçisnin rəhbərliyi altında çıxış etməyimiz çox sevindiricidi. Məncə, Kurban Berdıyev zəngin məşqçilik təcrübəsi ilə qarşıya qpyulan məqsədə çatacağıq.
- Mövsümün ilk matçında öz oyunundan razı qaldın?
- Komandama maksimum faydalı olmağa çalışacam. Həmişə özümə tənqidi yanaşıram və meydanda ən yaxşı olmaq istəyirəm.
- Bu il Premyer Liqanın səviyyəsi bir qədər də artıb. Qarşıya qoyulan məqsədə çatmaq çətin olmayacaq?
- Biz əsas öz oyunumuza və hər buraxdığımız səhvləri aradan qaldırmağa fokuslanmışıq. İstənilən halda hər turda maksimum nəticə üçün tək tökəcəyik. Məncə, bu il dramatik matçlar və maraqlı nəticələr daha çox olacaq. Hər komandanın uğur qazanmaq və irəliləmək şansı var.
- Demək istəyirsən ki, "Qarabağ" asan çempion ola bilməyəcək?
- Yuxarıda qeyd etdiyim kimi bütün klublar maksimum nəticəyə köklənib. Hesab edirəm ki, bu mövsüm çempionluğa iddialılar sayı çox olacaq.
ABDULLA İSMAYILOĞLU
