İdman.biz
"Zirə" ilə oyuna tam hazırıq və nəyə qadir olduğumuzu göstərəcəyik".
İdman.biz xəbər verir ki, bunu "Osiyek"in müdafiəçisi Luka Jeleniç deyib.
24 yaşlı futbolçu Konfrans Liqasının III təsnifat mərhələsində "Zirə" ilə oyundan əvvəl təşkil olunan mətbuat konfransında yeni komandaya alışdığını bildirib: "Gündən-günə komandaya alışıram. "Zirə" çox keyfiyyətli komandadır. Onlar haqqında kifayət qədər məlumatlı deyiləm. Əlbəttə bu mərhələdə asan rəqib yoxdur. Real yanaşsaq, mərhələ adlamaq şansımız var. Ümid edirəm, güclü rəqiblə oyunda müdafiədə işimizin öhdəsindən gələcəyik".
Qeyd edək ki, "Osiyek" – "Zirə" matçı sabah 22:00-da start götürəcək.
İdman.biz
