Sport24.az
"Qalatasaray"da icarə əsasında çıxış edən "Napoli"nin futbolçusu Viktor Osimhen "Mançester Yunayted"ə keçmək üzrədir. Sport24.az xəbər verir ki, bu barədə "Business Day" nəşri məlumat yayıb.
İngiltərə klubu 25 yaşlı hücumçu üçün Neapol təmsilçisinə 70 milyon avro ödəməyə hazırdır. Transferin 95 faiz reallaşdığı bildirilir. Həmçinin nigeriyalı hücumçu ilə PSJ-nin də maraqlanması qeyd olunur.
Qeyd edək ki, Viktor Osimhen bu mövsüm 26 matça çıxaraq 20 qol vurub və 5 qolun ötürməsini edib. Onun "Napoli" ilə müqaviləsi 2026-cı ilin yayına qədərdir.
