Idman.biz
İspaniya La Liqasının 18-ci turunda "Osasuna" və "Atletik Bilbao" komandaları arasında keçirilən oyun başa çatıb.
İdman.Biz bildirir ki, Pamplona şəhərindəki "El Sadar" stadionunda keçirilən oyun 1:1 hesablı heç-heçə ilə yekunlaşıb.
Ruben Qarsiya matçın ilk qolunu 34-cü dəqiqədə vurub. Qonaqların hücumçusu Qorka Quruzeta 72-ci dəqiqədə hesabı bərabərləşdirib.
İspaniya liqasında 18 oyundan sonra "Atletik Bilbao" 24 xalla turnir cədvəlində səkkizinci yerdədir. "Osasuna" isə 19 xalla 12-ci yerdədir.
19:23
İspaniya çempionatının 18-ci turunda "Selta Viqo" doğma meydançada "Valensiya"nı 4:1 hesabı ilə məğlub edib.
İdman.Biz bildirir ki, 33-cü dəqiqədə Borxa İqlesias penaltidən dəqiq zərbə endirərək ev sahiblərini irəli çıxarıb, 59-cu dəqiqədə isə İqlesias fərqi artırıb. Qonaqlardan Pepelu 70-ci dəqiqədə qollardan birinin əvəzini çıxıb. 83-cü dəqiqədə Yunas El Abdellaoui "Selta"nın üçüncü qolunu vurub, artırılmış vaxtda isə Uqo Alvares yekun hesabı müəyyən edib.
"Selta Viqo" La Liqa turnir cədvəlində 26 xalla yeddinci yerdədir. "Valensiya" (16 xal) isə 17-ci yerdədir.
