Idman.biz
"Yaxşı mövsüm keçdi".
İdman.biz xəbər verir ki, bunu jurnalistlərə açıqlamasında "Zirə" klubunun Müşahidə Şurasının sədri Orxan Məmmədov deyib.
O bildirib ki, Azərbaycan Premyer Liqasında 2024/2025 mövsümü Bakı təmsilçisi üçün uğurlu olub: "Çox istərdik ki, Avropa Liqasında oynayaq, ancaq Konfrans Liqasında da mübarizə aparmaq bizim üçün uğur sayılacaq. Ümumi götürsək, bu mövsümü "Zirə" üçün uğurlu qiymətləndiririk. Bununla ikinci dəfədir ki, biz Premyer Liqada ikinci yeri tuturuq. Bu, böyük bir uğurdur. Bunun üçün də məşqçi heyətinə və futbolçulara təşəkkür edirəm".
Məmmədov Azərbaycan kubokunun finalı haqqında da fikirlərini bölüşüb: "Planımda var ki, oyunu izləyim. Əlbəttə ki, güclü qalib gələcək. Gözəl futbola azarkeşlik edəcəm".
Qeyd edək ki, Azərbaycan kubokunun mayın 31-də keçiriləcək final oyununda "Qarabağ" "Sabah"la üz-üzə gələcək. Bakı təmsilçisi qalib gəlsə, Avropa Liqasına yollanacaq. Əks halda isə qitənin ikinci dərəcəli klub turnirinə "Zirə" yollanacaq.
Aytac Sahəd
İdman.biz
